Additional Reading Unit 10

Cover
Introduction
Main Index
Further Study

Unit 9

Unit 11

Key to Unit 10




  1. Androclus and the lion (1)

    Aulus Gellius (2nd century AD) wrote the Noctes Atticae a collection of miscellaneous information on history, philosophy, grammar and other topics. Gellius tells us that he took the story of Androclus (Androcles, as in Shaw's play, is a variant spelling) from a Greek historian, Apion, whose work has not survived. Apion claimed to have witnessed the scene described below and the story is put into his mouth.

    In Circo Maximo Caesar venationis amplae pugnam populo dabat. id spectaculum, ubi Romae forte eram, vidi. multae ibi saevae ferae, magnitudines bestiarum excellentes, omniumque invisitata aut forma erat aut ferocia. sed praeter alia omnia leonum immanitas admirationem movit, praeterque omnes ceteros unus. is leo corporis impetu et vastitudine terrificoque fremitu et sonoro, toris comisque cervicis animos oculosque omnium in se converterat. inter alios vir consularis ad pugnam bestiarum servum dedit cui Androclus nomen fuit. hunc ille leo ubi vidit procul, dubius stetit ac deinde sensim ac placide ad hominem accedit. tum caudam more canum clementer et blande movet hominisque se corpori adiungit, cruraque et manus pavidi linguā leniter demulcet. Androclus inter illa tam atrocis ferae blandimenta animum recuperat, paulatim oculos ad leonem movere audet. tum quasi per mutuam recognitionem homo et leo inter se aspiciunt.



    Proverbs and proverbial expressions

  2. Cui dei sunt propitii, lucrum ei profecto obiciunt.

  3. Fallacia alia aliam trudit.

  4. Insania non omnibus eadem.

  5. Fortuna multis dat nimis, satis nulli.

  6. Cuiusvis hominis est errare, nullius nisi insipientis in errore perseverare.

  7. Gloriam qui sprevit, veram habet.

  8. Avarus ipse miseriae causa est suae.

  9. Bene olent qui in culina habitant.

  10. In eadem es nave.

  11. Inter dominum et servum nulla amicitia est.

  12. Necessitas dat legem, non ipsa accipit.

  13. Quaelibet vulpes causam suam laudat.

  14. Non bene olet qui bene semper olet.

  15. Nusquam est qui ubique est.

  16. Quae nocent docent.

  17. Malum quidem nullum est sine aliquo bono.

  18. Qui bene latuit, bene vixit.

  19. Aliis lingua, aliis dentes.

  20. Qui me amat, amat et canem meum.

  21. Thesaurum in sepulchro ponit qui senem heredem facit.

  22. Qui sibi semitam non sapiunt, alteri monstrant viam.

  23. Quisquis habet nummos, securā navigat aurā.

  24. Principium dimidium totius.

  25. Non est eiusdem et multa et opportuna dicere.

  26. Stultum est iterum eundem ad lapidem offendere.

  27. Aliter catuli olent, aliter sues.

  28. Ipsa senectus morbus est.

  29. Non leve beneficium praestat qui breviter negat

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _
(c) Gavin Betts 2000